نَبْض

👧🏻الاطفال: ماما .. يعنى ايه انتحار؟ ماما .. زميلى فى المدرسة حكى لى أنه شاف ڤيديو لشخص بينط من فوق برج .. مش كده ممكن يتعور؟ ماما .. انا سمعت بابا بيحكى مع عمو على التليفون عن واحد موّت نفسه .. ازاى يعنى يا ماما؟؟ 👩🏻‍🦱المراهقون: ماما .. عرفتى بموضوع الشاب اللى انتحر؛ بيقولوا أنه كان فى كلية هندسة؛ انا كرهت الكلية دى ومستحيل أدخلها!! ماما .. هو صحيح الشاب المنتحر كده مات كافر وداخل النار .. أصل النهاردة فى حصة الدين عرفت كده من الاستاذ!!! ماما .. انا حاسس انى تعبان نفسيا .. تفتكرى دى اعراض اكتئاب .. وممكن انتحر زى الشاب ده؟!!!! 🔔أسئلة من هذا النوع وغيرها كتير؛ بنواجهها من أبنائنا هذه الأيام؛ بسبب انتشار خبر انتحار شاب من أعلى برج القاهرة. ❌وبالطبع صعب أن نمتنع عن إجابتهم؛ أو نحاول صرف أذهانهم لأمر أخر على سبيل الإلهاء؛ لأنهم فى عالم مفتوح؛ وإن لم يحصلوا على إجابات من الأهل؛ سيحصلون عليها من مصادر أخرى(والتى قد لا تكون سليمة). 💡كما أنه من الذكاء أن نستغل كل ما يحدث حولنا لصالح تربية ابنائنا؛ ونتحرى الفرص المناسبة لنفتح معهم حوار ونقاش حول ما حدث؛ ونفهم ما يدور ...

💌ما مراد الله منك💌                        💚🧡💚🧡💚🧡💚🧡💚 انا دورى ايه فى الحياة؟ ايه بصمتى المختلفة اللى بتميزنى؟ ياترى ربنا خلقنى أنا بظروفى دى تحديدا ليه؟ هو المفروض أعمل ايه فى كل مرحلة فى حياتى؟                              🙄🤔🙄🤔🙄🤔🙄 أسئلة كتير من النوع ده بنسألها أنفسنا أحيانا لكن مفيش فى الدنيا أى حد يقدر يدينا إجابة قاطعه ليها ..🤷 محدش يقدر يقول لك : أنت وظيفتك كذا .. أو دورك كذا🤦 محدش يقدر يقول : مش هتقدرى تعمل كذا .. أو اعملى كذا🙅 لأن ببساطه .. الأسئلة دى خاصة بكل إنسان👌 حسب ظروفه وحياته؛ اللى بتختلف عن ظروف وحياة غيره؛ ومفيش حد يقدر يجاوب عليها غير الإنسان نفسه. والبحث عن إجابة محددة .. يعتبر رحلة😍 رحلة طويييييييلة جوه النفس ..  رحلة ممتعه وجمييييييلة لاكتشاف النفس 💌توصل بينا لمعرفة طريقة تفكيرنا .. 💌وايه الحاجات اللى بنحبها ؛ عشان نكتر منها 💌وايه الحاجات اللى بتسبب لنا ضيق أو ألم؛ عشان نتجنبه...

جلست يوما أحكى مع جدتى عن فروق الأجيال؛ وما طرأ من تغييرات فى طبائع الناس؛ وما حدث من تطور سريعة ومستمرة. تطرق حديثنا إلى الحياة الأسرية؛ وكيف أمسى كل بيت يخبئ مشاكل وهموم؛ وكيف أصبح الطلاق سهلا وكثيرا؛ والتربية صارت اصعب عن ذى قبل؛ وأبديت لها أمنيتى أن يرجع بى الزمن فأحيا فى وقت قديم حيث لا مشاكل ولا تحديات تربوية. قالت جدتى: ومين قال انك لما  ترجعى بالزمن مش هتلاقى مشاكل؛ يابنتى المشاكل فى البيوت من زمان؛ باختلاف طبيعة كل بيت. قلت: بس يا جدتى الحياة الزوجية دلوقتى مش مستقرة خالص؛ حالات الطلاق زادت جدا؛ وخصوصا بين الأزواج اللى لسه فى اول خمس سنين زواج؛ ومن غير اسباب مقنعة؛ ومهما تحاولى تقنعى طرف منهم بأخطائه؛ ينكر ويتهم التانى بالتقصير؛ ومهما حاول أى حد من العيلة يتدخل؛ يرفضوا كلامهم ويصروا على الانفصال. قالت: هو فعلا كلامك صح؛ زمان كان فى حرص اكتر على دوام الحياة الزوجية؛ واستقرار الأسرة والاولاد؛ بغض النظر عن وجود مشاكل او خلافات بين الزوجين؛ وكانوا لما الموضوع يزيد والمشكلة تكبر؛ ويوصلوا لخناقة كبيرة؛ ساعتها يبقى لازم يرجعوا للكبير يحكم بينهم؛ وكلامه هو اللى ي...

تربينا على ان الاصنام هى تلك التماثيل المصنوعه من الخشب أو الحجارة أو أى مادة كانت؛ ونشأنا على أنها فقط تلك الجمادات التى لا تتحرك ولا تصدر صوتا؛ وبالاحرى لا تضر ولا تنفع. لم ندرك يوما أن الاصنام قد تكون أشخاص يعيشون بيننا؛ واننا كمسلمين دون أن ندرى قد نتخذ اصناما نشركها بالله؛ بل وقد نكون نحن من نصنعها بانفسنا؛ ونحرص عليها ونقدم لها القرابين ابتغاء رضاها وبقائها. ألا تصدقون!! سأخبركم.. حين نصف أحدهم بالكمال والمثالية ونتعلق به؛ فنرفعه فوق قدره ونجعله كل الحياة؛ وان الكون سيتوقف لو اختفى هذا الشخص؛ وقد يتدهور الأمر حتى نعصى الله من أجله؛ أليس هذا صنم؟! حين تتوقف سعادتنا على شخص بعينه؛ نحصر اسباب السعادة فيه ومنه؛ ونتوهم اننا بدونه لا نعرف طعم السعادة؛ أليس هذا صنم؟!! حين نتعلق ونهوى ونعشق أحدهم؛ ونراه جنة الله على ارضه؛ وبغيابه تتحول حياتنا نارا تلظى؛ أليس هذا صنم؟!! بالطبع كل تلك الأمثلة اصنام؛ ولابد من تحطيمها؛ وتخليص النفس من ذنوبها؛ انتم أحرارا لا عبيد لأحد من البشر؛ فلا ترفعوا أحد من الخلق فوق قدره؛ ولا ترهنوا انفسكم لعبيد مثلكم؛ لان الله هو الذى يسخرهم فى طريقكم ل...

أول علاقتنا بالحضن لأولادنا كانت لحظة مولدهم، طبعا مفيش حد مش بيحضن إبنه أو بنته وهم لسه مولودين؛ وتستمر الاحضان طالما لسه صغيريين، ومجرد ما يكبروا بننسى الحضن ده، ونفتكر إنهم خلاص مش محتاجين ليه، وده اكبر غلط بنقع فيه. احتياج أولادنا للحضن بيدوم ويستمر مهما بلغوا من العمر وكبروا أو حتى أصبحوا أطول مننا، وده لأن الحضن مش مجرد احتياج جسدى فقط، بل احتياج نفسى كمان. خبراء التربية وعلم النفس بيأكدوا إن كل طفل(بل كل إنسان) محتاج على الأقل 4 أحضان فى اليوم، لسلامة الصحة النفسية والجسدية والنمو الطبيعى، ولو بنتكلم عن تمام النضج النفسى والإشباع يبقى محتاجين ل 12 حضن فى اليوم. الكلام ده بجد على فكرة، لأن علميا الحضن بيحفز افراز هرمون السعادة(الدوبامين)، ويساعد على ارتخاء العضلات وبيخفف من حدة التوتر، وطبعا بيمنح شعور بالقبول والحب وبالتالى بيصنع قنوات تواصل بيننا وبين أنبائنا. احضنوا أبنائكم(ولاد وبنات)، وبلاش كلام ان البنت كبرت وعيب ابوها يحضنها، بالعكس دى كل ما تكبر هتحتاج لحضن أبوها أكتر، لأنه بيغنيها عن أى حضن تانى ويشبعها حنان وحب وأمان، وصدقونى أغلب مشكلات البنات المراهقات هى احت...

💘من النصائح الغالية الخاصة بالتربية👈 نصيحة للأم بأن تُصاحب أبناءها(اولاد وبنات)👉 وذلك بفتح قنوات حوار معهم وتخصيص وقت لكل منهم على حدى💖👏👏👏😍 لكن انتبهى.....📣📣 الكلام ده مش معناه ان الأم تحصر الحوار ده وتقضى الوقت ده فى الكلام عن نفسها👎 🚫🚫🚫🚫🚫🚫🚫🚫🚫 مثلا: أم تقعد مع بنتها تشتكى من زوجها(اللى هو ابو البنت) وتفضل تتكلم عن عيوبه(اللى ممكن تكون مخفيه عن البنت اصلا)؛ وتحكى عن مأساتها فى قصة زواجها؛ وانها متحمله الحياة عشان تربيهم بس؛ وكل ده بنيّة أنها كده بتصاحبها أو بتتخدها صديقة😓 طب ازاى😱 البنت كده بتكون صورة سيئة عن ابوها؛ وصدقينى هتكرهك انتى قبل ما تكره أبوها او مثلا: الأم اللى تجمع اولادها؛ ويفتكروا انها عاوزة تقضى معاهم وقت؛ لكن يتضح انها بتجمعهم عشان تاخد رأيهم انها تطلق من أبوهم ولا لاء😵 طب هم مالهم بالقرارات دى؛ يفهموا ايه فى الحياة ولا عندهم خبرة ايه فى سنهم ده🤕 أو مثلا: الأم العاملة اللى كل يوم بعد رجوعها من الشغل؛ تقعد تحكى مع بنتها عن مشاكل الشغل وعن مواقفها مع زميلاتها وانها مش عارفه تتصرف ازاى🙄 يا فندم حضرتك كنتى طول اليوم بره البيت مع...

سألنى صغيرى سؤالا مفاجئا وقال🧑: ماما .. هو ايه المقصود من الأية "وكان الله غفورا رحيما" ، يعنى ربنا كان زمان غفور ودلوقتى خلاص .. مش بيغفر 🧕 صمت رهييييييييب ،، حتى خُيل لى أنى أسمع صوت صرصور الحقل🦗 🦗وأخذت أكرر السؤال بينى وبين نفسى، لا أدرى بماذا أجيبه، 🤔 بالطبع أعرف إجابته كمسلمة بالغة حافظة لكتاب الله وعندى شئ من العلم بالتفسير الميسر، ولكنى لا أملك أن أشرح له المعنى وهو فى عمره الصغير هذا، ماذا أقول .. ماذا أقول 😭 ... اللهم اشرح لى صدرى قاطعنى مكررا:ماما .. ماما .. سمعتى سؤالى؟!!!! 🧕أهاا.. طبعا سمعت، وحابه أسألك سؤال الأول 🧑اتفضلى 🧕 فاكر مدرسة العلوم اللى كانت عندكم فى المدرسة ونقلت مدرسة تانية 🧑 أيوة طبعا فاكرها، أنا كنت بحب حصتها أوى 🧕 ياترى ليه؟!!!😬 🧑 عشان كانت بتشرح كويس جدا ، وكمان كانت بتتعامل معانا كأننا أولادها 🧕يااااه .. كانت بتشرح كويس .... يعنى دلوقتى خلاص مش بتشرح كويس 🧑لأ طبعا يا ماما، ليه بتقولى كده، هى ممتازة فى الشرح حتى فى المدرسة التانية 🧕 يعنى هى كانت بتشرح كويس، ومازالت بتشرح كويس؟ 🧑 أيوة هى زى ما هى! 🧕  أصل أنت لما قو...

سألنى صغيرى قائلا: 🧒 =ماما .. هو احنا بنصوم ليه؟؟ 🧕 -طاعة لله ؛ نأخذ عليها أجر كبير، ومغفرة للذنوب فعاد متسائلا غاضبا: بس انتى قلتى قبل كده انى لسه صغير و مش عندى ذنوب، وكمان الصوم ده متعب جدا؛ بجد حرام .. ايه العذاب ده، أنا بكون عاوز أشرب عشان عطشان ونفسى أكل أيس كريم عشان الجو حر هنا اخترت الصمت ولم أجب؛ فلابد من إجابة تجعله يحب الصوم؛ كيف اجعله يستشعر بقلبه تلك الطاعة؛ كيف اشرح له الحكمة من الصوم وانا شخصيا أكاد لا اعرف منه سوى أن الصوم مغفرة للذنوب؛ وبالفعل هو لا يزال صغيراً لا ذنوب له؛ أى لن يبالى بكلامى عن الثواب والأجر. هل اقول له كما تعلمنا فى الصغر؛  أننا نصوم حتى نشعر بالفقراء؛ وبالتالى نعطف عليهم ونعطيهم؛ ولكن مهلا .. أذكر أننى قلت له هذا من قبل وكان رده مفاجئ، حيث قال: إزاى يعنى نحس بالفقراء، ماهم كمان بيصوموا معانا، وكمان ده تعذيب، لأن الأكل مش حرام، ولا حتى المياه والأيس كريم !! كلام مقنع حقا، وعليه فقد حان دورى أن أجد إجابة مقنعة، تجعله يعرف لماذا الصوم؛ سبب يقرب له المعنى والمغزى ويؤدى به لحُب تلك العبادة والإقبال عليها، بحثت وتفكرت وبتوفيق الله توصل...

انتهت الإمتحانات على خير..والحمد لله، وبدأنا الأجازة بفضل الله، 😘 بغض النظر عن النتائج المتوقعة أو الدرجات المنتظرة🤫 مش هيفيد بشئ إننا نقضى الأجازة فى توبيخ ولوم وعتاب، فكرى ازاى تخلى وقت الأجازة الصغير ده، مفيد ممتع ولا يُنسى😍 حاولى تستغلى أيام الأجازة المعدودة دى، وابدأى فى تواصل من نوع جديد مع أولادك، واصنعى معاهم ذكريات جميلة تفضل فى بالهم ولا تُنسى؛ وياريت لو تخططوا مع بعض هتعملوا إيه فى الأجازة، بحيث ترضى جميع الأطراف😌🤗 🌼هقولك شوية أفكار، وانتى أبدعى😉 بما إن الجو برد⁦⁦🌨️⁩⁦🌪️⁩⁦🌦️⁩ ده ممكن يكون ميزة للخروج فى الأماكن المفتوحة الصبح⁦؛ فكرى فى رحلة علمية أو تاريخية حسب الأماكن المتاحة ليكى فى بلدك. ⁦🗺️⁩ بالنسبة للأماكن التاريخية؛ ممكن مثلا تقضوا يوم فى  قلعة صلاح الدين، أو شارع المعز، بس انصحك تقرأى معلومات سريعة عن الأماكن دى قبل زيارتها، وتعيش فى دور المرشدة السياحية وانتى ماشية مع أولادك هناك، ممكن كمان برج القاهرة، أو أى متحف (اسلامى أو فرعونى).👏👏👏 🌍أما لو رحلة علمية؛ هتلاقى متاحف كتير مهجورة رغم أنها فعلا جميلة وفيها معلومات جميلة، واسعار الدخول رمزية...