نَبْض

اتصلت بيا وكان صوتها واضح عليه البكاء، وقالت: هو فين العدل، ليه مفيش عدل فى الدنيا؟!! قلت: لأنها دنيا و... قاطعتنى قائلة: يعنى أموت وارتاح ولا أعمل إيه؟!! أنا تعبت بجد ..... توقفت لثوانى وبعدين كملت كلامها وهى تبكى بشدة، لدرجة إنى مش قادرة افهم كلامها من كتر الدموع وصوتها اللى واضح عليه كمية الإختناق اللى جواها قالت: كل جريمتى انى نفسى أحب، واعيش قصة حب؟!!!  اشمعنى كل الناس اللى اعرفهم عايشين حالات الحب دى، حتى زوجى نفسه عايش حالة حب!! ولسه هقول لها ازاى يعنى مش فاهمة، بيخونها مثلا ولا إيه، لكن مفيش فرصة انى اتكلم، لأن كلامها كان لا يتوقف، فقررت استمع لها للنهاية، كملت وقالت: دلوقتى انا اتجوزت من سنين، ومش هحكى لك ازاى كان جواز تقليدى جدا جدا، جواز صالونات محض، حصل من غير تعارف ولا نيله، اتفاجئت بنفسى متجوزة واحد ولا اعرف عنه حاجة، ده غير ان أول ليلة فى الجواز، كانت مأساة، وبكره أصلا تاريخ اليوم ده لما بيجى كل سنة، ولما اكتشفت بعد الجواز انى مش مرتاحة، أو بمعنى ادق مفيش عاطفة بينى وبين جوزى، طلبت الطلاق، وياريتنى ما طلبت!!! الدنيا كلها قامت والناس كلهم رفعوا لى ال...