نَبْض

 🚫 *من أخطائنا التربوية* 👇🏻 *التطلع للمثالية* 😎 من أكبر الأخطاء اللى بنقع فيها اننا نتوقع المثالية من أولادنا 🤔 يعنى مثلا ..  بنتمنى نشوفهم منتظمين فى الصلاة، وبيذاكروا من غير ما نقول لهم، ومتفوقين فى دراستهم، وبيختاروا الأكل الصحى ، ومش بيقلدوا أصحابهم، ولا يبصوا لغيرهم، ومفيش حد بيشتكى منهم، وبيناموا بدرى ويصحوا بدرى ووووو طب بالله عليكم هو فى حد أصلا كده 🤭 🤓سيدتى.. هل تعلمين أن الكثير من الآراء  تشير إلى أن الإنسان المثالي مش موجود أصلا على أرض الواقع ، فلكل إنسان أخطاء و عيوب 🤷🏻‍♀ أه وربنا.. مفيش حد مثالى 🤫 يعنى الصبح وانتى بتصحيهم؛ لو مش راضيين يقوموا 😴 بلاش كده👊🏻 ولا كده🤬 استعينى بالله واصبرى وصحيهم بالراحه وياريت قبل كل ده تقرأى لهم الرقية الشرعيه🧡 وبلاش بالله عليكى نظرات الاحتقار دى لو فاتتهم صلاة وقت المدرسة  *ربيهم* على خشية ربنا وهم هيعوضوها لما يرجعوا و هينتطموا والله متخافيش💚 وبلاش لما حد منهم يرجع من المدرسة معاه جواب استدعاء، أو يقولك ان المدرس عاقبه  تصرخى فى وشه وتقولى أكيد عملت مصيبة، وتمسكى التليفون تحكى ...

لاحظت الاسبوع ده حاجة غريبة؛ فى مشكلة مشتركة اتعرضت لها كل محاضرة تقريبا طول الاسبوع . بنات فى سن المراهقة زهقانين من الصلاة ورافضينها!! وأمهات بيشتكوا من تكاسل أبناؤهم وبناتهم عنها!! وكل الحالات تقريباً كانوا منتظمين على الصلاة وهم فى عمر أقل من 10 سنوات. لكن بمجرد إقترابهم لمرحلة المراهقة؛ بيحصل لهم تمرد وبيرفضوا أى شئ فيه إلزام...  وساعتها بيحصل صدام بينهم وبين الاهل؛ ما بين أوامر وترهيب؛ أو نصح وترغيب. بصراحة طول الوقت بفكر واسأل نفسى:  ليه يتمردوا علي الصلاة؟ وليه بيشوفوا انها روتين مالوش داعى؟ وليه لما يقوموا يصلوا يحسوا انها ثقيلة عليهم؟!! وليه بينفروا منها رغم انهم فى سن أصغر كانوا ملتزمين بها؟ هو احنا يعنى كأهل؛ قصرنا ولا أخطأنا فى ترغيبهم بالصلاة؛ طب ما احنا عودناهم عليها وهم صغيريين؛ ليه لما كبروا شوية تكاسلوا... قعدت أفكر .. لغاية ما جت قصادى أية"وأمر أهلك بالصلاة واصطبر عليها" سبحان الله .. ليه ربنا قال اصطبر وليس اصبر؟!! بحثت ولقيت ان الاصطبار أشد من الصبر؛ يعنى صبر وصبر وصبر كتييير ..... معنى كده اننا مستحيل نأمر أولادنا بالصلاة فيصلوا ك...