الثلاثاء، 10 سبتمبر، 2013

10 سبتمبر..يوم مش عادى :))

سألونى : مالك فرحانة ، قلت : النهاردة يوم مش عادى
ومحتارة اعمل ايه؟؟ .. اتجمع مع صحابتى فى النادى؟؟
ولا نتجمع هنا وخلاص .. فى حديقة بيت دادى؟؟
ما انا لازم اشوف صحباتى .. احنا مع بعض من إعدادى
عِشرة عُمر بتجمعنا ~ وخصوصا صديقتى هنادى
وكل مرة يشاركنا الحفل اخويا الصغير شادى
ومتعودين فى اليوم ده نتجمع ~ نضحك ونلعب حادى بادى
نفرح مع بعض ونتكلم ~ ونغنى بصوت هادى
وانا هفضل كده على طول .. حتى لو معايا اولادى
وكمان لما يكبروا .. هعمل كده مع احفادى
ولو حد منعنى انى احتفل ~ مش هزعل ~ بس هختار بُعادى
هفضل فرحانه وبضحك ~ واصرخ بصوتى وانادى
كل سنة وانا طيبة .... أصل النهاردة عيد ميلادى :)
اوعو تصدقوا اللى فات !!! ده مش من دينى .. ولا حتى من عاداتى:))
 ده يوم فى السنة ، بحاسب فيه نفسى على ما فات وانتظر الأتى
وكل مرة اجدد النية .. وكأنى ببدأ مـ الأول حياتى
ساعات أقول : ومين عالم .. يمكن يكون اخر مرة السنة دى
والسنة الجاية اكون فـ عالم تانى ~ فى دنيا غير الدنيا دى
ارحل وافارق من أحببتهم ~ وسكنوا بروحى وفؤادى
***
لو تغيبت عنكم تذكرونى بدعوة ~ وارفعوا للسما الأيادى
واطلبوا لى الرحمة والعفو ... كل ما تفتكروا تاريخ ميلادى
العاشر من سبتمبر .... ما بين التاسع و الحادى
قبل احداث برج التجارة بيوم...فعلا يوم مش عادى :))

هناك 5 تعليقات:

eslam mohamed يقول...

كلمات جميلة
وكل سنة وإنتى طيبة وعقبال 100 سنة
بس ليه تفولى على نفسك ربنا يعطيكى طول العمر وتفرحى بأولادك وأولاد ولادك

ايمن الهواري يقول...

كل سنة وانتي الفرحة مالية قلبك
كل سنة وانتي للخير مالي عقلك
كل سنة وانتي للغير عاطية طرحك
كل ستة وانتي للحب عايشة عمرك
كل سنة وانتي طيبة

محمد الصعيدى يقول...

كل 100 نة وانتى طيبة فعلا يوم مش عادى وسلميلى على شادى وهنادى ويفرحك بكل اولادك ويكون يوم مش عادى والفرحة دايما متفارق بالك اصلة يوم مش عادى وتمر السنين واحنا فى عالم تانى وكل سنة وانتى دايما فى فرح دايم وصحة وفرح دايم اصلة فعلا مش يوم عادى وعقبال 100 سنة وانتى مع اخواتك واولادك وزوجكك فى سعادة من نوع تانى وفعلا دة مش يوم عادى واقل حاجة اقدمها ليكى ودايما فى فرح دايم وشكرا ليكى

Ħẵḿẵďẳ Ǎḃďẵłłẵħ يقول...

في أحلى يوم بالشهر
نحتفل نضوي الشموع
نجدد أيام السعاده
و الكل فرحان علشانك
و من صميم قلبي أدعيلك
ربي يخليك و يطول عمرك
كل عام و إنت بألف خير
وعقبال مليون سنة ويارب
يديكى طولة العمر

DANA SHLOOL يقول...

دائماً مبدعه تتحفينا انتي من اروع الاناس الذين عرفتهم اللهم ثبت قلبك على الدين و الايمان